قصة الشباب وغلاء المهور والزواج بأجنبيات

[بنـ الامارات ـت]

سعيد شاب إماراتي عمره 24 سنه .. ريال والنعم فيه .. مخلص الثنويه ويشتغل في أدنوك وراتبه يسده وزياه والحمدلله

ومثل كل الشباب اللي في مثل عمره .. سعيد عنده سيارة كشخه موديل 2007 بـ 150 ألف درهم إماراتي .. وغير هذا لازم سوالف الشباب من تزويد وخرابيط وهذا غير رنجات السياره اللي كل واحد فيهم مادري بكم ألف درهم .. وهذا كله سلفيات طبعا

وطبعا كل يوم طلعات ويا ربعه وسينمات وهاي غير يلسات ستاربكس اللي ما تخلص

عنبوه حتى اللي يشتغلون في ستاربكس حفظوا ويهه

وكالعاده .. رد يوم من الأيام من الدوام وشاف الوالده أم سعيد يالسه في الصاله تشوف مسلسل " عيال الفقر " اللي يحطونه في " ام بي سي " كل يوم وجدامها التمر دلة القهوه

سار سعيد وباس راس أم سعيد .. وحست الوالده أم سعيد انه ولدها سعيد يبا يقول شي

دار بينهم هالحوار ..

سعيد : اشحالج يالغاليه اليوم ؟؟

أم سعيد : الحمدلله يا امايه .. شو بلاك يا سعيد .. احس انه فخاطرك شي تبا تقوله .. !!

سعيد : احم .. انا .. انا .. انا .. يا امايه يعني .. امممممم .. انا .. اناا .. امممم .. ماعرف كيف ابدأ

أم سعيد : شو بلاك يا سعيد .. قول .. محتاي شي ؟؟ تبا شي ؟؟ قول ولا تستحي يا ولدي !!

سعيد : انااا .. انااا ابااا اعرس يا امايه

أم سعيد : كلولولولولوووووووووووش
اخيرا .. اخيرا بتفرحني يا سعيد
انت ولدي الوحيد وتدري ابا اشوف عيالك وعيال عيالك ان شالله
الحمدلله .. الحمدلله .. الحمدلله انه الله هداك وسمعت كلامي وبتعرس

سعيد :

أم سعيد : انزين ما قلتلي يا ولدي .. منو هاي سعيدة الحظ اللي لازم تحمد ربها ليل ونهار إنه سعيد الغالي بياخذها ؟؟ .. بنت عمك شما ولا بنت عمك روضة ولا منو من الأهل .. ولا وحدة ثانية فبالك ؟؟

سعيد : اسمحيلي يا امايه بتزوج أجنبيه .. المواطنه وايد غاليه .. !!

أم سعيد : شوووووووووه ؟؟!!



أم سعيد وولدها سعيد

قصة انتشرت وبكثرة في واقع مجتمعنا الإماراتي

وأصبحت تحدث أمامنا وبشكل يومي

هذا هو سعيد وأمثاله من الشباب يعزفون عن الزواج أو يتزوجون من أجنبيات أو عربيات بحجة إن بنت البلاد غالية وما يرومون ع مهرها وتكاليف عرسها !!

يرمسون وكأن البنت سلعة تنباع وتشترى

وكأن البنت المسكينة هي سبب غلاك تكاليف الزواج

لو بحثنا في أصول الموضوع .. ترا المشكلة مب مشكلة غلاك المهور

المشكله هي مشكلة غلاء تكاليف العرس وغلاء الأسعار

يعني شو تسوي البنت المسكينة لو سارت الصالون وقالولها إن تجهيز العروس من تنظيف بشره وغيره وميكاب وشعر وكل هذا يطلع بـ 5000 بس لأن اسمها " عروس " !!

وشو تسوي البنت المسكينة لو كان " تأجير " أبسط فستان عرس وأبسط باقة ورد يكلفها على الأقل 10000 درهم إماراتي

هذا غير الزهبه وغيره وغيره وغيره .. الخ

وغير القاعه وتكاليفها اللي تعرفون كم تكلف !!

وبعدين تعال يا سعيد !!

مب تسلفت من البنك وراكمت الديون ع ظهرك عشان تكشخ بسيارة قيمتها ما تقل عن 150 ألف درهم ؟؟

مب سرت وزودت مورتك وغيرت تواير سيارتك بكم ألف درهم ؟؟

مب كنت كل يوم مطيح ويا ربعك في ستاربكس وسينمات وطلعات وسفرات ؟؟

لو حسبنا إجمالي هالتكاليف .. بيطلع ع الأقل 300 ألف دهم !!

يعني يا سعيد عندك 300 ألف درهم حق سيارتك وكشختك وطلعاتك وما عندك بس بالكثير 100 ألف درهم تكاليف ليلة عمرك ومهر حرمتك وحبيبتك وشريكة حياتك اللي بتقضي وياها العمر كله بحلوه وبمره !!

يعني تستخسر مئات آلاف على حرمتك وما تستخسرهم ع موترك وكشختك !!

(منقول)

[قطرة ندى]

حلووووووووووووووووه القصة وايد عجبتني



الله يهدى الشباب ليش ما ياخذون بنت بلادهم هيه اللي تعرف عادات وتقاليد اما الاجنبيه ما تعرف عاداتنا ولا تقاليدنا...حلاة الثوب رقعته منه وفيه


تسلمين ...نبا مزيد من هذه القصص الجميله

[الجاد]

موضوعكم شيق ، وانا لدي كلام كثير عن هذا الموضوع ، ولكن اتبع المقولة المشهورة

اذا كان الكلام من فضة فالسكوت من ذهب

وكما نقول بالعامية (خلها على الله )

والله يوفق الجميع

[بنـ الامارات ـت]

موضوعكم شيق ، وانا لدي كلام كثير عن هذا الموضوع ، ولكن اتبع المقولة المشهورة

اذا كان الكلام من فضة فالسكوت من ذهب

وكما نقول بالعامية (خلها على الله )

والله يوفق الجميع

بالعكس اخوي حابين نسمع رايكم يا شباب الامارات في هذا الموضوع

اتمنى تكتب إلي في خاطرك اخوي ونحن اخوانك في المنتدى نسمع لك :rolleyes:

[بنـ الامارات ـت]

حلووووووووووووووووه القصة وايد عجبتني



الله يهدى الشباب ليش ما ياخذون بنت بلادهم هيه اللي تعرف عادات وتقاليد اما الاجنبيه ما تعرف عاداتنا ولا تقاليدنا...حلاة الثوب رقعته منه وفيه


تسلمين ...نبا مزيد من هذه القصص الجميله

انتي الحلوه يالغاليه :p

ما طلبتي حبيبتي إذا القصص تعجبكم ان شاء الله

بدور على قصص مفيده لنا ولكم

بس يمكن البعض يكون قارنها بس في الزياده افداه :D

[الجاد]

هلا بالاخت بنت الامارات ، ومشكورة على ردج ، واما بخصوص الموضوع ،

انا اؤيد الزواج من بنت البلاد بس المشكلة احيانا بعض البيوت يرفضون الريال على اتفه الامور ، ما بتعمق في هالامور ، اكيد انتوا ادرى مني في هالامور ، وايضا غلاء تكاليف الزواج عندنا وليس المهور ، المهر مقدور عليه ان شاء الله ، والاهم من ذلك ، عدم ثقة ابن البلد ببنت البلد ، بسبب تجاربهم السابقة ، وهذا الكلام مرفوض عندي وغير صحيح ، لانه اصابع اليد ليست واحدة ، فهذه وجهة نظر الاخوة ، اما انا فمن المؤيدين بالزواج من بنت البلد ، وحتى اني حاولت ان اتزوج الثانية ، ولكن الحمد لله انه ما صار نصيب ، والان لغيت فكرة التعدد الى وقت غير معلوم ،

وارجو منكم المعذرة على الاطالة

والسلام

[بنـ الامارات ـت]

هلا بالاخت بنت الامارات ، ومشكورة على ردج ، واما بخصوص الموضوع ،

انا اؤيد الزواج من بنت البلاد بس المشكلة احيانا بعض البيوت يرفضون الريال على اتفه الامور ، ما بتعمق في هالامور ، اكيد انتوا ادرى مني في هالامور ، وايضا غلاء تكاليف الزواج عندنا وليس المهور ، المهر مقدور عليه ان شاء الله ، والاهم من ذلك ، عدم ثقة ابن البلد ببنت البلد ، بسبب تجاربهم السابقة ، وهذا الكلام مرفوض عندي وغير صحيح ، لانه اصابع اليد ليست واحدة ، فهذه وجهة نظر الاخوة ، اما انا فمن المؤيدين بالزواج من بنت البلد ، وحتى اني حاولت ان اتزوج الثانية ، ولكن الحمد لله انه ما صار نصيب ، والان لغيت فكرة التعدد الى وقت غير معلوم ،

وارجو منكم المعذرة على الاطالة

والسلام


يزاك الله خير اخوي ردك

واكيد فيه العوايل إلي تطلب وايد وفيه عوايل إلي تشتري الريال

وفيه الحرمه الزينه وفيه الشينه في بلادنا وغير بلادنا

سبحان الله كل شخص يحكم بالي حواليه من الناس يضن انه الناس كلها مثلهم

الله يهديهم ان شاء الله يدورن من الخارج و بنات البلاد يالسات في بيوت اهلهم ينظرون ولد البلاد

امس وحده من صديقاتي تقولي ان في دوامهم بنات وايد فوق ال30

وبعدهم ما تزوجوا وتقول ما عليهن قصور

وين الخلل مادري هل من البنات ولا من الاهل ولا من الشباب نفسهم

وخوي زين ما سويت انك غضيت نظر عن الزوجه الثانيه إذا انت مرتاح وياها

لأنه صعب واايد في هذا الزمن التوفيق بين زوجتين في جميع النواحي ...الله يخليكم لبعض

وما شي انسان كامل كل انسان فيه عيوب ومميزات خلونا نجوف مميزات الطرف الثاني

وسامحوني على الاطاله

[الجاد]

هلا ومرحبا بالاخت بنت الامارات ...

كلامج صح ، انه في بيوت تطلب وفي بيوت ما تطلب ، لكن المشكلة وين بيحصل واحد بيوت ما تطلب ؟ لانه كل حد يقول انه تعال نحن نبا الريال وما يمهنا شي ، وعقب لين ما يروح الريال يسوون له قصه ما لها نهاية ، نبا ونبا و................

وللأسف استغرب ايضا من بعض الخوات تكون هي فوق 30 وتطلب المستحيل احيانا ؟!!


وبخصوص موضوع التعدد .... انا ما رفضت الزواج عشان اني مرتاح ويا زوجتي ، احيانا يكون الرجل متزوج من وحدة وكل يوم مشاكل ، واحيانا يكون متزوج ثلاثة وهو مرتاح ، لانه يكون ما امقصر وياهم ، فالتعدد شي والمشاكل شي ، هذا كله يعتمد على الريال نفسه كيف يتصرف في المشاكل اللي اتصير والعدل بينهم .

وبعدين اذا نحن رفضنا التعدد ، منو بيتزوج بناتنا ؟؟؟

اولا : عدد النساء أكثر من الرجال في العالم بشكل عام وفي بلادنا بشكل خاص

ثانيا : كثرة الوفيات في العالم من فئة الرجال من حوادث السيارات والحروب و.....

ثالتا : هناك من الرجال من هم مرضى و ......

رابعا : نسبة من الشباب لا رغبة لهم في الزواج .... لاسبابهم الخاصة

و الكثير الكثير ......


اذن فأين الحل ؟؟؟؟؟؟



وفي النهاية .... مصير البنت اما اتكون عانس على طول او تتزوج من احد الوافدين ... الله اعلم بنواياه .... او يمكن رب العالمين يرزقها بزوج مواطن .....


الله يرحمنا برحمته

واسمحولي على الاطالة

[بنـ الامارات ـت]

هلا ومرحبا بالاخت بنت الامارات ...

كلامج صح ، انه في بيوت تطلب وفي بيوت ما تطلب ، لكن المشكلة وين بيحصل واحد بيوت ما تطلب ؟ لانه كل حد يقول انه تعال نحن نبا الريال وما يمهنا شي ، وعقب لين ما يروح الريال يسوون له قصه ما لها نهاية ، نبا ونبا و................

وللأسف استغرب ايضا من بعض الخوات تكون هي فوق 30 وتطلب المستحيل احيانا ؟!!


وبخصوص موضوع التعدد .... انا ما رفضت الزواج عشان اني مرتاح ويا زوجتي ، احيانا يكون الرجل متزوج من وحدة وكل يوم مشاكل ، واحيانا يكون متزوج ثلاثة وهو مرتاح ، لانه يكون ما امقصر وياهم ، فالتعدد شي والمشاكل شي ، هذا كله يعتمد على الريال نفسه كيف يتصرف في المشاكل اللي اتصير والعدل بينهم .

وبعدين اذا نحن رفضنا التعدد ، منو بيتزوج بناتنا ؟؟؟

اولا : عدد النساء أكثر من الرجال في العالم بشكل عام وفي بلادنا بشكل خاص

ثانيا : كثرة الوفيات في العالم من فئة الرجال من حوادث السيارات والحروب و.....

ثالتا : هناك من الرجال من هم مرضى و ......

رابعا : نسبة من الشباب لا رغبة لهم في الزواج .... لاسبابهم الخاصة

و الكثير الكثير ......


اذن فأين الحل ؟؟؟؟؟؟



وفي النهاية .... مصير البنت اما اتكون عانس على طول او تتزوج من احد الوافدين ... الله اعلم بنواياه .... او يمكن رب العالمين يرزقها بزوج مواطن .....


الله يرحمنا برحمته

واسمحولي على الاطالة

يزاك الله خير اخي الكريم

صح كلامك تاخذ بنت البلاد احسن من الاجنبيه والي الكثير من شبابنا فضلوها على بنت البلاد

وبنت البلاد تريا ولد البلاد وهو يفضل غيرها

الله المستعان

والله يعين كل عبد على بلواه

[محمدالطويل]

جزاكي الله خيرا علي مواضيعك الجميله والتي تبني علي اسس جميله يمس خاصه الشباب هذه الايام من نفقات كثيرة يصعب علي الشاب تنفيذها ولذلك نحب ان نقول للبنات لاتكثروا من طلبات مستحيله لشاب ربما يكون افضل زوج لكي ربما تكوني افضل بجوارة عن غيرة كثرة طلباتك تبعده عنكي بالرغم من انكي تستريحي اليه وتتمنيه زوجا لكي الحياة تمر مرور السرعه بنا لاتدعي احلامك الجميله تنسيكي حب يملاء قلبك سعاده وهناء وراحه بال اشكركم جميعا من كل قلبي